最近網上興起燉檸檬熱潮，各家品牌如雨後春筍，自己在家 diy 的也不少。燉檸檬無難度可言，是手工和時間而已。值得留意的是檸檬酸性，不宜用鐵鍋或不沾鍋。不銹鋼雖是極穩定，但有得揀都是用瓷器或玻璃最好。另外，除非你能買到可靠的有機檸檬，否則成件事會變左飲老火濃縮農藥 😳🙈🙉🙊 Bma 格言，偶爾亂吃沒所謂。常吃常用的東西，要慎選。
大家都知，Bma 向來喺街買唔到滿意嘅野就會企圖自己整 😂 買唔到心水屋嗎？自己起返間囉 😂 買唔到安心香腸嗎？自己整囉 😂 燉檸檬嘛 ... 街上買的一般普通檸檬，一來怕農藥、二來普通檸檬白色皮囊味道苦澀，不太喜歡。
十幾年的村姑生活，浸出不少鄉土情出來 💁 最近去舊居附近的有機農場買菜，跟農夫講起燉檸檬熱潮，佢話送幾粒自家種的檸檬畀我試下。一睇之下，哇蟹 ... 不就是人稱 ugly lemon 的西西里檸檬嗎 😳😱 老農話唔識，因為呢啲檸檬個樣唔靚，好少人問，所以幾棵檸檬樹很少打理。乜咁嘥啊 ))))))))))))
攞左返公司試燉。因手頭的陳皮不夠老，所以色澤偏淡了。但我想話 ..... 超!! 香!! 也完全無普通檸檬燉出來的苦澀味 😱😱😱 極品 😍😍😍
馬上靈光一閃。如果我開發 Bma 燉檸檬，咪可以幫農夫增加收入，將冷落的檸檬樹變返識生蛋的雞囉 🐤🐤😍？諗到呢點，我本來對燉檸檬興致缺缺的心，馬上又燃燒起來了 🔥🔥🔥 因為，Bma 做每個產品，都有比賺錢以外更重要的意義（又諗多左 😓） 未必係宇宙最好味，但一定最濃人情味。
正經問，有幾多人會支持我呢次提案 ?
Search